Mae pob diwrnod ysgol yn bwysig. Mae pob diwrnod a gollir yn ei gwneud hi’n anoddach dal i fyny, a gall arwain at gyflawniadau is o ran darllen, ysgrifennu a rhifedd.
Mae pob diwrnod y mae plant a phobl ifanc yn ei golli yn effeithio ar eu gallu i wneud cysylltiadau cymdeithasol pwysig a chyfeillgarwch ag eraill.
Mae llawer o resymau pam y dylai plentyn fynd i’r ysgol, sef:
- Datblygu’n ddysgwyr uchelgeisiol, galluog sy’n barod i ddysgu drwy gydol eu hoes.
- Bod yn gyfranwyr mentrus, creadigol sy’n barod i chwarae eu rhan yn llawn yn eu bywyd a’u gwaith.
- Datblygu’n ddinasyddion egwyddorol, gwybodus yng Nghymru a’r byd.
- Bod yn unigolion iach, hyderus sy’n barod i fyw bywyd cyflawn fel aelodau gwerthfawr o gymdeithas.
Mae presenoldeb rhagorol yn yr ysgol yn caniatáu i’n plant a’n pobl ifanc gael y dechrau gorau posibl mewn bywyd.
Os nad yw eich plentyn yn mynd i’r ysgol yn rheolaidd, efallai y bydd pryderon ynghylch materion diogelu yn cael eu codi am eu lles a’u cynnydd.